«Жыл басы – Наурыз» ертеңгілігі

ПРЕСС-РЕЛИЗ

КМҚК №126 бөбекжай-балабақшасын да «Жыл басы – Наурыз» мерекелік іс-шарасы аталып өтті. Көктемнің шуақты мерекесі – Наурыз мейрамы халқымыздың береке-бірлігі мен ұлттық құндылықтарын дәріптейтін ерекше күн. Осыған орай балабақшамызда «Жыл басы – Наурыз» атты мерекелік іс-шара ұйымдастырылды.

Мерекенің мақсаты – балаларға қазақ халқының салт-дәстүрін таныстыру, ұлттық мәдениетке деген қызығушылығын арттыру, достық пен бірлікке тәрбиелеу.

Іс-шара барысында тәрбиеленушілер ұлттық нақыштағы әндер айтып, би билеп, тақпақтарын мәнерлеп оқыды. Сонымен қатар қазақтың салт-дәстүрлері көрініс түрінде көрсетіліп, ұлттық ойындар ойнатылды. Балалар мен ата-аналар мерекелік көңіл-күй сыйлап, белсенділік танытты.

Мереке барысында ақ дастархан жайылып, ұлттық тағамдар ұсынылды. Наурыз көже беріліп, қонақтарға ақжарма тілектер айтылды.

Жыл басы – Наурыз» мерекесі балаларға көтеріңкі көңіл-күй сыйлап қана қоймай, ұлттық құндылықтарды құрметтеуге тәрбиелейтін тағылымды шара болды.