«Қазақстан халқының бірлігі» ертеңгілігі

                                                                 ПРЕСС-РЕЛИЗ

1 мамыр – Қазақстан халқының бірлігі күніне орай балабақшамызда «Достығымыз жарасқан» атты мерекелік іс-шара өткізілді.

Іс-шараның мақсаты – балаларға ұлттар достығы, татулық пен бірлік туралы түсінік беру, елімізде өмір сүретін түрлі этнос өкілдерінің мәдениетін құрметтеуге тәрбиелеу.

Мерекелік бағдарлама барысында тәрбиеленушілер Отан, достық және бейбітшілік туралы әндер орындап, тақпақтар оқыды. Әртүрлі ұлт өкілдерінің билері биленіп, ұлттық киімдер таныстырылды. Балалар бірлік пен ынтымақтың маңызын сахналық көріністер арқылы көрсетті.

Сонымен қатар ата-аналар мен тәрбиешілер мерекелік шараға белсене қатысып, көтеріңкі көңіл-күй сыйлады. Іс-шара барысында еліміздегі халықтар арасындағы сыйластық пен достықтың маңызы ерекше насихатталды.

«Қазақстан халқының бірлігі» мерекесі балалардың патриоттық сезімін арттырып, татулық пен достықты дәріптейтін тағылымды мереке ретінде есте қалды.