"Алтын Күз"

2020 жылдың 22- 23 қазан күндері балабақшада «Алтын күз»  ертеңгілігі ұйымдастырылды.

Аталған мерекеге тәрбиешілер үлкен дайындық жұмыстарын жасады. Балаларға тақпақтар жаттатып, күз мезгілінің ерекшеліктері туралы түсіндіру жұмыстарын жүргізді. Нәтижеде балалар белсенділік танытып өнерлерін өрнектеп ортаға салды. Олар залға түрлі түсті жапырақтар ұстап музыка әуеніне тербеле кірді.

«Күз» әнімен ертеңгілікті бастап кетті.Мерекеге  Күз ханшайымы келіп,балалармен ойын ойнап,биде биледі.

Ойын: «Бақшаны егеміз,күтіп баптап тереміз»

Би «Жаңбыр»

Күз ханшайымы бүлдіршіндерге жұмбақ жасырып белсенділік танытқан балаларды мақтап мадақтады.

Балалалар жұмбақтың шешуін жарыса тауып мерекені қыздыра түсті. Бірі би билесе енді бірі ән айтты.

Жұмбақтар:

1.Көк лағым көгенде жатып семірді. (қарбыз)

2.Аласа тауда алуан алма 

  Ал қызыл болмай аузыңа салма(қызанақ)

3.Үстінде тігіп көк шатыр

Астында қызыл дәу жатыр  (қызылша)