2025 жылғы 10 шілде күні, сағат 10:00 де КМҚК «№126 бөбекжай балабақшасы»  мекемесінде ұлттық құндылықтарды насихаттау мақсатында «Ұлттық ойындар – рухани қазына» атты іс-шара ұйымдастырылды. Шараға балабақша тәрбиеленушілері мен тәрбиешілері белсене қатысты.

Іс-шараның басты мақсаты – балаларға қазақ халқының ұлттық ойындарын таныстырып, олар арқылы патриоттық сезім мен ұлттық тәрбиені сіңіру. 

Мерекелік күн барысында балалар “Қол күрес”, “Арқан тартыс”, “Сақина салу”, “Тақия тастамақ” сияқты қызықты да танымдық ойындарға қатысты.Тәрбиешілер әр ойынның шығу тарихы мен тәрбиелік мәнін түсіндіріп, балаларға ұлттық салт-дәстүрлердің маңызын жеткізді. Балалар ойындарға белсенді қатысып, командалық рухты, ептілік пен батылдықты көрсетті.

2025 жылдың 02 маусым күні сағат 10:00 де КМҚК «№126 бөбекжай балабақшасы» жұмыс жоспарына сәйкес «Балаларды қорғау күніне» арналған мерекелік іс-шара өтті. Мерекелік іс шараға бүлдіршіндер, педагогтер және ата-аналар қатысты. 

Іс-шараның мақсаты: «Балаларды қорғау күні» туралы түсініктерін бекіту. Ойын - сауықта өлең айтып, би билеу арқылы белсенділіктерін арттыру. Балаларды өзін құрметтеуге, әлеуметтік мәнділік сезімін, жеке тұлға ретінде көрсете білуге тәрбиелеу. 

Балабақшаның ауласында алдымен балаларға арналған тәттілер таратылып фуршет жасалды. Мерекелік іс-шара барысында балалар би билеп, ән айтып, өз өнерлерін көрсетті. 

«Әрқашан күн сөбесін» әні хормен айтылды.  

Қыздар «Ариба» әніне флешмоб билеп өз өнерлерін көрсетті. 

Мерекелік іс-шара аясында отбасылық спорттық жарыс ұйымдастырылды. Бұл спорттық жарысқа ересек «Жұлдыз» тобының ата-аналары қатысты. Спорттық жарысқа 3 отбасы  қатысты. Спорттық жарыс 4 кензеңнен тұрды. Алғашқы кезең таныстыру. Екінші кезең кедергілерден қаппен жүгіру. Үшінші кезең суды төкпей келесі ыдысқа құю. Төқртінші кезең үй тапсырмасы. Яғни, ата-аналар өз өнерлерін көрсетті. Бірінші отбасы домбырамен ән айтса келесі отбасы Абай Құнанбаевтың өлеңдерін жатқа айтты. 

Мерекелік іс-шара барысында балаларға түрлі түсті борлар арқылы сурет салу кезеңі де өткізілді.

Ұлық мерекені балабақшадан атап өтудегі басты мақсат - салт-дәстүр, наурыз құндылықтарын дәріптеу. Мереке барлық топта тойланып, бүлдіршіндер шат-шадыман күйге бөленді. Бүлдіршіндердің мерекелік көңіл күйімен таныстық. Балабақшадағы наурыз мерексіне ата-аналарда ат салысып, ұлттық нақыштағы бейнеленген киіз үйдің ішіне қазақтың кебежесін, шымылдығын, ыдыс-аяқтарын қойып безендіріп, дастархан жайылып, арнайы дайындалған. Әжелер «Дедімай-ау» әнін шырқады.Балалар  өю-өрнектеп тігілген, киімдерді киіп, «Дастархан», «Асық» биін билеп, ән салып, ұлттық ойындар, салт дәстүрлер көрсетіп, көрермендерді таң қалдырды. Сонымен қатар«тұсау кесу», «баланы бесікке салу», «Шашу» сынды ұлттық көріністерін көрсетіп, мерекенің шырайын келтірді. Балабақша меңгерушісі Кулпеисова К.К бүгінгі шараның қонақтарын, ата-аналарды, балабақша ұжымын, кішкентай бүлдіршіндерді ақ тілегін айтып құттықтады. Мерекеге келген ата-аналар дән риза болып, өздерінің жылы лебіздерін білдіріп жатты. Шара соңында қонақтар арнайы дайындалған наурыз көжеден дәм татып, баталарын берді.